"Барселона" мухлислари учун нохуш хабар

Хабарингиз бор, мавсумнинг ўртасида "Барселона" маошлар чеклови туфайли Дани Ольмо ва Пау Викторни рўйхатдан ўтказишда қийинчиликларга дуч келди. Каталонияликлар ўйинчиларни турнирларга вақтинчалик муддатга қайдномага киритишди.

Бироқ, энди бу футболчилар рўйхатдан чиқарилиши мумкин. Бу ҳақда "BarcaUniversal" хабар бермоқда. Ла Лига "Барселона"нинг VIP-ўринларни 100 миллион еврога сотиш бўйича келишувини ҳисобга олмаслигини тасдиқлади.

Шу боис, Каталония клуби яна молиявий ҳолати фэйр-плей қоидаларига мос келмаяпти. Шубҳасиз, VIP-жойларни сотиш бўйича битим ноқонуний деб топилган.

Маълумот учун, "Барселона" Ла Лига турнир жадвалида пешқадамлик қилмоқда ва иккинчи ўриндаги "Реал Мадрид"дан уч очко олдинда бормоқда.