“Барселона” МЮдан 100 миллион евро талаб қилмоқда

“Барселона” раҳбарияти франциялик ҳужумкор футболчи Усмон Дембеле трансфери учун “Манчестер Юнайтед”дан 100 миллион евро талаб қилмоқда.

Англия премьер-лигасини ўз майдонидаги мағлубият билан бошлаган “Манчестер Юнайтед”ни мухлису мутахассислар трансфер бозорида сусткашликка йўл қўйганликда айбламоқда. Шунинг учун клуб раҳбарияти Сульшерга кучли футболчиларни олиб беришга қарор қилган. Хусусан, Дембеле бўйича музокаралар ҳам ҳал қилувчи паллага кирди.

Айни пайтда манчестерликлар Дембелени ижарага олмоқчи. Каталонияликлар эса кейинчалик сотиб олиш мажбуриятини ҳам юклашни истаяпти. Томонлар ҳали бир тўхтамга келгани йўқ.