“Barselona” Neymardan yuz o‘girdi. Sababi futbolda emas...

PSJdan ketishi kutilayotgan Neymar “Barselona”ga o‘tishi mumkinligi haqidagi xabarlar ko‘payib bormoqda.

Braziliyalik yulduzning o‘zi ham sobiq jamoasidan taklif kutayotgan edi. Biroq, Neymar kutgan chorlov bo‘lmaydi.

Sport nashrining yozishicha, “Barselona” rahbariyatini Neymarning hayot tarzi umuman qoniqtirmaydi. Bu futbolchi har doim ham belgilangan tartib-intizomlarga amal qilmasligi hammaga ma’lum.

Bundan tashqari, transferni amalga oshirish qiyin bo‘lishi va klubning moliyaviy muammolari ham kataloniyaliklarga to‘sqinlik qilyapti.