"Барселона" ўртоқлик учрашувида "Манчестер Сити"дан устун келди

Бундан бироз аввал Америка Қўшма Штатларида Европанинг икки топ клуби - "Барселона" ҳамда "Манчестер Сити" ўртасида ўртоқлик учрашуви бўлиб ўтди.

Флорида штатидаги Орландо шаҳрида жойлашган "Кэмпинг Уорлд" стадионида кечган ўйиннинг асосий бўлимлари 2:2 ҳисобида жанговар дуранг билан якунланди. Пенальтилар сериясида эса 4:1 ҳисобида каталонияликларнинг қўли баланд келди.

"Манчестер Сити" ўзининг навбатдаги ўртоқлик учрашувини 4 август куни "Челси"га қарши ўтказади, "Барселона" эса ҳудди шу куни "Реал"га қарши майдонга тушади.