“Барселона” ўз ўйинчиси катта нархга сотадиган бўлди

“Барселона” раҳбарияти жамоа ҳимоячиси Жюль Кундени қишки трансферлар ойнаси очилиши билан сотиб юборишга тайёргарлик кўрмоқда.

Diario SPORT нашрининг маълум қилишича, 25 ёшли футболчи хизматига “Челси” жиддий қизиқиш биллирмоқда.

Манбага кўра, бу трансфер каталонияликлар қазнасига 60 миллион евро келтириши мумкин.

Франциялик легионер аслида “Бордо” тарбияланувчиси ҳисобланади. Каталонияга келишидан аввал Испания чемпионатида “Севилья” шарафини ҳимоя қилган.

“Барселона” Кундени 2022 йили 50 миллион евро эвазига ўз сафига қўшиб олган эди.  Кунде асосан ўнг қанот ҳимоячиси ҳисобланади. Зарур бўлган марказий ҳимоячи ўрнида ҳам ишончли ўйнай олади.