"Барселона" президенти жамоани қандай қилиб бу "ботқоқ"дан олиб чиқмоқчилигини айтди

"Барселона" клуби президенти Жоан Лапорта жамоанинг жорий мавсумдаги муваффақиятсизликлари ҳақида гапирди.

“Бу Мессисиз ўтаётган биринчи йил эканлигини унутмаслигимиз керак. Биз дунёнинг энг яхши футболчиси билан хайрлашдик. Бу осон эмас.

Шунинг учун биз “Барса”нинг муҳити ва услубидан яхши хабардор Хавини танладик. Демак, Хави шогирдларига ишонади, чунки унинг ўзи ҳам академиямизни тамомлаб, буюк чемпион бўлган биринчи жамоага қадар етиб келган. У мураббий сифатида "Барса"нинг услуби ва фалсафасини билади.

Бу осон иш эмас, чунки футбол сизга вақт бермаслигини ҳаммамиз биламиз. Қисқа муддат ичида биз тажрибали футболчилар билан ёшлар уйғунлаштира олишимиз керак. Уларнинг барчаси юқори даражадаги ўйинчи бўлиши лозим. "Барса" каби клублар босим билан қандай курашишни билади", - деди Лапорта Tuttosport нашрига берган интервюсида.