"Арсенал" клуби форварди Пьер-Эмерик Обамеянг ёзги трансферлар даврида жамоасини ўзгартириши кутилмоқда.

Sport.es нашри тарқатган хабарга кўра, 30 ёшли габонлик футболчига "Барселона"дан жиддий қизиқишлар пайдо бўла бошлаган. Каталонияликлар раҳбарияти Обамеянг жамоанинг ҳужум чизиғини кучайтиришига ишонмоқда.

Таъкидлаш керакки, АПЛ тўпурарининг қариндошлари бир неча ойдан буён Каталонияда яшашмоқда.

Пьер-Эмерик Обамеянг жорий мавсум “Арсенал” сафида 37 та ўйинда майдонга тушди ва 20 та гол ҳамда 1 та голли узатмага муаллифлик қилишга эришди. Унинг трансфери эса 70 млн еврога баҳоланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)