“Barselona” tez orada katta transferni e’lon qiladi

“Manchester Siti” himoyachisi Joau Kanselu tez orada Kataloniyaga ko‘chib o‘tib, “Barselona” safiga qo‘shilishi kutilmoqda.

Manbalarga ko‘ra, ikki klub o‘rtasidagi transfer muzokaralari yakuniy bosqichga etib keldi. 29 yoshli o‘ng qanot himoyachisi ham Ispaniya chempionatiga ko‘chib o‘tishga rozilik bergan.

Taniqli jurnalist Manu Saynsning ta’kidlashicha, agar favqulodda holatlar yuz bermasa, Kanseluning “Barsa”ga transferi kelasi hafta rasman e’lon qilinadi.

“Shaharliklar” portugaliyalik futbolchini sotib olish huquqisiz bir mavsumga ijaraga yuborishga rozi bo‘lgani aytilmoqda.