"Барселона" тўртинчи дарвозабони билан шартномани узайтирмоқчи

"Барселона" дарвозабон Иняки Пенья билан келишиб олди. Mundo Deportivo хабарига кўра, каталонияликлар клуби ва 26 ёшли футболчи шартномани яна бир йилга (2027 йилнинг ярмигача) узайтириш ва ижарага кетиш борасида келишиб олган.

Пеньяга "Комо", "Селта", "Галатасарой" ва "Жирона" каби клублар қизиқиш билдирмоқда. Шу билан бирга, бу клубларнинг ҳар бири аввалига таркибда "Барселона" дарвозабони учун жой бўшатиши керак.

Иняки Пенья "Барселона"нинг тўртинчи дарвозабони ҳисобланади. Шу билан бирга, Войсех Шесни ҳали рўйхатдан ўтмаган, Марк-Андре тер Штеген эса яқинда белидаги муаммолар туфайли операция қилинган ва тикланишни бошлаган. Жамоанинг асосий дарвоза ёзда "Эспаньол"дан сотиб олинган Жоан Гарсиа бўлиб турибди.