"Барселона" устози жамоа учун кечки овқат ташкил қилди

"Барселона" янги бош мураббийи Кике Сетьен футболчилар ва жамоа ходимлари учун кечки овқат ташкил қилди. Бу ҳақида TV3 хабар бермоқда.

Жамоа мураббийлар штаби Барселонадаги машҳур ресторанда жамоа билан бирга кечки овқат тановвул қилиш учун жума кунги машғулотларни бекор қилди.

Ушбу учрашув "кўк-анор рангликлар"нинг янги устози Кике Сетьен ташаббуси билан уюштирилмоқда. У бундай йиғилишлар футболчи ва мураббий муносабатлари шаклланишида муҳим рўл ўйнайди деб ҳисобламоқда.

Эслатиб ўтамиз, ўтган йилнинг сентябрь ойидан буён "Барселона"да бундай жамоавий йиғилишлар ўтказилмаган эди.