"Барселона" Видални Наингголанга алмаштиришни хоҳламади

"Барселона" клуби раҳбарияти "Интер"нинг Артуро Видаль эвазига Ража Наингголанни алмаштириш борасидаги таклифини ўрганиб чиқди.

Football Italia нашри тарқатган хабарга кўра бу таклиф “кўк-анор ранглилар”да қизиқиш уйғотмаган ва шу боис улар бунга рад жавобини беришган.

Маълумот учун, 32 ёшли Видаль ўтган мавсум 53та ўйинда майдонга тушди ва 3та гол ҳамда 7та голли узатмага муаллифлик қилди. 31 ёшли Наингголан эса 36та ўйинда 7та гол ҳамда 3та голли узатма ёздириб қўйди.