“Барселона” ёки “Атлетико” — Роналду учун сўнгги имконият

Португалиялик журналист Нуну Луж ҳамкасблари билан бўлган суҳбатда ҳамюрти Криштиану Роналдунинг келажаги ҳақида гапирди.

Луж “Marca” нашрига берган интервюсида 37 ёшли ҳужумчи ҳозирда “Манчестер Юнайтед”даги ҳолатдан мамнун эмаслигини, шунинг учун ўзига бошқа клуб қидираётганини айтди. Журналистнинг таъкидлашича, Роналду "Барселона"дан ташқари "Атлетико" Мадридга ҳам ўтиши мумкин. “Матрасличлар” Криштиануга  қизиқиш билдиргани расман тасдиқланмаган. Аммо бунга бир неча сабаблар бор. Нунунинг қўшича қилишича, катта эҳтимол билар Роналду ёзда Манчестердан кетади ва Каталония ҳамда Мадрид грандлари форвард учун сўнгги имконият бўлади.

Эслатиб ўтамиз, Криштиану Роналду Чемпионлар лигасида ўйнаш учун "қизил иблислар"ни тарк этиш ниятида. Қолаверса, манкунианликларнинг ёзги трансфер вақтида амалга оширган харидлари ҳам футболчини қаноатлантирмаяпти.