“Барселона” ёзда 6 нафар ўйинчи олиб келади

“Барселона”ни Испания чемпионига айлантирган Хави Эрнандес келаси мавсум Чемпионлар лигасида ҳам муваффақиятга эришиш учун таркибни сезиларли даражада кучайтиришга киришди.

Mundo Deportivo нашрида келтирилишича, испаниялик мутахассис таркибга олти нафар янги футболчи олиб келишни режалаштимоқда.

Хави Эрнандес ҳозирча ўзи кутаётган ўйинчилар номини сир тутишни маъқул кўрмоқда.

Клуб раҳбарияти ҳам тўрт йил кутилган чемпионликни тақдим этган мураббийни қўллаб-қувватламоқда. Янги ўйинчиларни олиш учун ҳозирги таркибдан бир неча футболчи билан хайрлашишга тўғри келади.

Шунинг учун ҳам каталонияликлар бирин-кетин бош мураббий режасига кирмаган футболчиларни трансферга қўя бошлади.