“Барселона” юлдуз футболчини сотадиган бўлди

Triball Football нашрининг хабар беришича,  “Барселона” раҳбарияти жамоа ҳужумчиси Мемфис Депайни сотиб юборишга қарор қилди.

Каталонияликлар нидерландиялик тўпурарни эркин агент сифатида текинга қўлга киритган эди. Энди бу футболчини 20 миллион еврога қўйиб юборишга тайёр эканликлари айтилмоқда.

Депайни аввалги бош мураббий Рональд Куман “Барселона”га таклиф қилган. Бироқ кейинчалик унинг ўрнини эгаллаган Хави Эрнандес  таркибдаги нидерландиялик ўйинчиларнинг деярли барчасидан воз кечишга қарор қилган.

Депай ўтган мавсум Испания чемпионатида 28 маротаба майдонга тушиб, рақиблар дарвозасини 12 маротаба ишғол қилди.