"Barselona" "Yuventus"ning 3 nafar etakchisini o‘z safiga qo‘shib olmoqchi

"Barselona" "Yuventus"ning uch nafar futbolchisini o‘z safiga qo‘shib olmoqchi. Bu haqda "Tuttojuve" xabar tarqatdi.

Manbaning yozishicha, kataloniyaliklar hujumchi Dushan Vlaxovich, vinger Federiko Keza va yarim himoyachi Manuel Lokatelliga qiziqish bildirmoqda. Turinliklarning avvalgi rahbariyati futbolchilarning maoshi bilan bog‘liq moliyaviy qalloblik qilgani uchun "Yuve"dan 15 ochko olib tashlandi.

Klub keyingi mavsum evrokuboklarda ishtirok eta olmaydi. Shu sababli, "keksa senoralar"ning etakchi futbolchilari jamoasini o‘zgartirishi kutilmoqda.