
"Barselona"ga yangi mavsumda yangi himoyachi keladi
Kataloniyaning "Barselona" klubi rahbariyati himoyaning o‘ng qanotiga yangi futbolchi olib kelishni rejalashtirmoqda. Bu haqda Sport.es portali xabar berdi.
Manbaning yozishicha, “ko‘k-anorranglilar”ning bu boradagi asosiy transfer maqsadi “Vilyarreal” himoyachisi Xuan Foyt hisoblanadi. Agar tomonlar kelisha olmasa, muqobil variant sifatida hozirda Myunxenning "Bavariya" klubida ijarada o‘ynayotgan portugaliyalik himoyachi Joau Kanselo ijaraga olinishi mumkin.
Eslatib o‘tamiz, ayni damda “Barselona”da Ronald Arauxo va Jyul Kunde o‘ng qanot himoyachisi pozitsiyasida to‘p surmoqda. Lekin ikkala futbolchi ham himoya markazida o‘ynashga ko‘proq intiladi.
Fikrlar