"Барселона"нинг 3 нафар ёш футболчиси ҳаракатларини мухлислар пайқамагани аниқ (Фото)

Ла Лиганинг янги мавсуми биринчи турида "Валенсия"га қарши ўйинда "Ла Масиа" тарбияланувчилари Ламин Ямал, Пау Кубарси ва Марк Берналь жамоанинг асосий таркибида майдонга тушишди.

Уч нафар ёш футболчи ўйин олдидан жамоа сурати учун ўзларини маълум бир тарзда жойлаштириш орқали одатларини такрорлашни унутмади.

Берналь ва Кубарси тик турган ҳолда, Ламин Ямал эса олдинда. Улар бу одатни 2018/19 йилги мавсумда биринчи марта "Ла Масиа"да бирга ўйнаган пайтдан бошлаб такрорлаб келишмоқда.

Берналь учун бу ўйин унинг "Блауграна" асосий таркибидаги дебюти бўлди. 17 ёшли ярим ҳимоячи ўтган мавсумда " Барселона Б" жамоасида ўйнаган эди.