“Барселона”нинг асосий трансфер мақсади маълум

"Челси" ҳимоячиси Маркос Алонсо "Барселона"нинг асосий трансфер мақсади ҳисобланади, дея хабар беради журналист Николо Скира.

Манбага кўра, футболчининг ўзи Каталония клубига ўтишини истамоқда. У "аристократлар" раҳбариятидан ўзини тезроқ "Барселона"га тезроқ трансфер қилинишини талаб қилган.

Хабар қилинишича, футболчи аллақачон “кўк-анорранглилар” билан 2025 йилгача амал қиладиган шартнома бўйича келишиб олган. Бироқ клублар трансфер суммаси борасида бир қарорга келиша олмаяпти. "Челси" Маркос учун 12-14 миллион евро атрофида сўрамоқда. Испан клуби эса бунча тўлашга тайёр эмас.

2021/22-йилги мавсумда Алонсо “Челси”нинг барча мусобақалар доирасидаги 46 та ўйинда майдонга тушиб, ўз ҳисобига 5 та гол ва 6 та голли узатмани ёздириб қўйган.