"Барселона"нинг "сеҳрли таёқчаси" ёзда клубдан кетади?!

Мавсумни "Барселона" сафида ижара асосийда ўтказаётган "Севилья" ҳужумчиси Люк де Йонг ўзининг Каталония клубидаги келажаги ҳақида гапирди.

"Мавсум якунлангач баъзи вариантларни кўриб чиқаман. Ҳар қандай футболчи "Барселона" сафида қолишни хоҳлайди деб ўйлайман. Аммо бу менга боғлиқ эмас", - деди нидерландиялик футболчи.

Бундан аввалроқ де Йонг ёзда андалусияликлар сафига қайтиши мумкинлиги ҳақида хабарлар тарқалган эди. Унинг “Севилья” билан амалдаги шартномаси 2023 йилга қадар имзоланган.

Люк де Йонг жорий мавсум “Барса” сафида Ла Лигада жами 16 та ўйинда майдонга тушди ва 6 та гол урди.