Бартомеу: Биз Мессисиз даврга тайёрланяпмиз

"Барселона" клуби президенти Хосеп Бартомеу жамоа етакчиси Лионель Месси фаолиятини якунлагач нималар бўлиши ҳақида гапириб ўтди.

“Балким орадан 3-5 йил ўтгач Месси футболдан кетар. Биз аллақачон Мессидан кейинги бўладиган даврга тайёрланишни бошлаб юборганмиз.

Ҳозир биз пулларни академиямиздаги ёшларга ва бошқа жамоалардаги истеъдодли ёш футболчиларга сарфлаяпмиз. Бизга иқтидорли кўринган ёшларни жамоага жалб этаётганимизни тез-тез тилга оляпман. Ленгле, Дембеле, Артур, де Йонг шулар жумласидандир”, - дейди Бартомеу.

Маълумот учун, 31 ёшли аргентиналик футболчи Ла Лигада жами 28та ўйинда иштирок этди ва 35та гол ҳамда 14та голли узатмага муаллифлик қилди.