"Бавария", "Барселона" ва "Челси" бир футболчи учун рақобатлашмоқда

"Марсель" клубининг маҳоратли ярим ҳимоячиси Бубакар Камара Европанинг 3 та гранд клуби қизиқишига сабаб бўлмоқда.

Fussball Transfers нашри тарқатган хабарга кўра, 22 ёшли франциялик футболчи учун "Бавария", "Барселона" ва "Челси" рақобат олиб бормоқда. Бироқ унинг ўзи мавсум якунига қадар “Марсель”да қолиб, сўнгра эркин агент сифатида бошқа жамоага ўтмоқчи.

Камара бу мавсум "Марсель"да 21 та ўйинда иштирок этди ва 1 та гол урди. Унинг трансфер нархи 25 миллион еврога баҳоланмоқда.