"Бавария" 5 аъзоси билан хайрлашган ўйинда йирик ҳисобдаги ғалабани қўлга киритди

Бундеслига сўнгги туридан ўрин олган "Бавария" - "Аугсбург" учрашуви ўз ниҳоясига етди. Мавсум чемпиони ўзининг 5 аъзоси билан хайрлашган ушбу ўйинда 5:2 ҳисобидаги ғалабани қўлга киритди.

Голларга "Бавария" сафида Серж Гнабри, Жошуа Киммих, Роберт Левандовски ҳамда Кингсли Коман муаллифлик қилган бўлса, "Аугсбург"нинг 2 голи Андре Хан ҳамда Нидерлерхнер номига ёзилди. Шунингдек, "Бавария"нинг яна бир голи "Аугсбург" аъзоси номига автогол сифатида қайд этилди.

Ушбу учрашув "Бавария"ни кейинги мавсумда тарк этувчи Давид Алаба, Хави Мартинес, Жером Боатенг, Тиагу Данташ ҳамда Ханси Флик учун расмий хайрлашув маросими бўлди. Ўйиндан сўнг улар совринни бошлари узра баланд кўтарган ҳолда майдонни кўзида ёш билан тарк этди. Бундеслигада мавсум шунинг билан ўз ниҳоясига етди.

• 90+1'
  

  Учрашув якунланди! "Бавария" мавсумни ғалаба билан якунлаб олди! Эътиборингиз учн раҳмат!

• 90'
  

  ГОООООООООООООООООООООООООООООООООООООООЛЛЛ!!!! Роберт Левандовски уддалаб бўлмас топшириқни амалга оширди! У Герд Мюллернинг рекордини янгилаб, мавсумдаги 41-голини киритишга муваффақ бўлди! 5:2!

• 86'
  

  Андре Хан ўрнига Петков ўйинга қўшилди.

• 83'
  

  Лукас Эрнандес қўполлиги учун сариқ карточка билан огоҳлантирилди.

• 80'
  

  Бурчакдан тўпни Киммих ўйинга киритиб беради.

• 76'
  

  Ўзгариш: Нидерлерхнер ўрнига Финбогассон ўйинни давом эттиради.

• 75'

  Мусиаланинг ажойиб пасидан унумли фойдаланишолмади.

• 73'
  

  Сўнгги ўйинини ўтказаётан Давид Алаба ўрнига Корентин Толиссо ўйинни давом эттиради. Уларнинг кўзида ёш.

• 73'
  

  "Бавария"да ўзгариш: Томас Мюллер ўрнига Шупо-Мотинг ўйинни якунлаб қўяди.

• 71'
  

  ГООООООООООООЛЛЛ!!! Нидерлерхнер жарима майдончаси ичида ёлғиз қолдирилди, у эса дарвозани ишғол қилди.

• 70'

  Дарвозабон тўпни ушлаб олди.

• 70'

  Левандовски ва Алаба тўп олдида.

• 69'
  

  Марек Сухи қўпол фоли учун сариқ карточка билан огоҳлантирилди. Левандовски жаримадан тўпни ўйинга киритиб беради.

• 67'
  

  ГОООООООООЛЛЛ!!! Нойер бу мавсум Оливер Каннинг рекордини янгилолмайдиган бўлди... У кейинга масумга қолди. Андре Хан гол муаллифи.

• 67'
  

  "Аугсбург"да ўзгариш: Вайнцирль ўрнига Йенсен ўйинни давом эттиради.

• 66'

  Лерой Сане ўйин қоидасини бузди.

• 65'

  Умумий зарбалар статистикаси: 16:5!

• 63'

  "Бавария" кучли прессинг ва жамоавий ўйинини намойиш этмоқда.

• 62'

  Футболчилар майдонни кўз ёш тўкиб тарк этишди.

• 61'
  

  Сўнгги ўйинини ўтказаётган Боатенг ўрнига сўнгги ўйинини ўтказаётган Хави Мартинез ўйинга қўшилди.

• 61'
  

  Гнабри ўрнига эса Сане ўйинни давом эттиради.

• 60'
  

  "Бавария" сафида ўзгариш: Коман ўрнига Жамал Мусиала ўйинга қўшилади. 

• 59'

  Жамоадошлари Левандовскига гол уришга ёрдам бермоқда, бироқ нимадир ўхшамаяпти.

• 58'

  "Бавария" 1-2та пас билан ҳужумга ўтиб кетмоқда. Тотал устунлик мана шунда кўринмоқда.

• 57'

  Левандовски дарвозани ишғол қилиши мумкин эди! Бироқ ҳимоячи бу сафар бунга йўл қўймади.

• 57'

  Нойер сўнгги ҳимоячи вазифасини аъло даражада бажармоқда.

• 55'
  

  Левандовски бурчакдан узатилган тўпни боши билан дарвозага йўллади, ноаниқ.

• 54'
  

  Бурчакдан тўпни Киммих ўйинга киритди, ҳимоячилар фаол.

• 52'

  Дэвис бугун 35,97 км/соат тезликка эришди.

• 51'

  "Бавария" тотал устунликда ўйнамоқда.

• 50'
  

  Нидерлерхнер офсайдда қолиб кетди.

• 49'
  

  Киммих яна бир бор бурчак тўпини ижро этади.

• 48'

  Алабанинг узатмасини Левандовски дарвозага тўғирлай олмади.

• 47'
  

  Бурчак тўпини Киммих ижро этади.

• 46'
  

  "Аугсбург" таймни 2 ўзгариш билан бошлади: Калижури ва Педерсен ўрнига Фрамбергер ҳамда Сухи ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45'
  

  Бош ҳакам ўйинга вақт қўшиб бермади. Биринчи бўлим якунланди. Танаффус.

• 44'
  

  Бурчак тўпи. Киммих тўпни ўйинга киритиб беради.

• 43'

  "Бавария" 1-бўлимнинг ўзида ўйин тақдирини ҳал қилиб бўлди.

• 42'
  

  ГОООООООООООООООООЛЛЛ!!! Бу сафар Кингсли Коман. Жарима майдончаси ташқарисидан берилган кучли зарба яқин бурчакка жойлаб қўйилди.

• 40'

  Левандовски боши билан тўпни дарвозага йўллади, бирозгина ноаниқ.

• 39'
  

  Меҳмонлар дарвозабонидан супер дабл-сейв! Левандовскининг зарбаси қайтарилди.

• 38'
  

  "Аугсбург" аъзоси Андре Ханга тиббий ёрдам кўрсатилмоқда.

• 36'

  Киммихга нисбатан ўйин қоидаси бузилди.

• 35'

  Коман жарима майдончаси чизиғи устида йиқилди. Ҳакам ўйинни давом эттиришга рухсат берди.

• 34'

  Калижури жарима майдончаси ичига тўпни оширди, тўп ҳимоячининг оёғига тегиб йўналишини узгартирди.

• 33'
  

  ГОООООООООООООООООООЛЛЛ!!! Жошуа Киммихдан фантастик гол! Жарима майдони ташқарисидан берилган кучли зарба дарвоза тўридан жой олди! 3:0!

• 31'
  

  Киммих бурчакдан тўпни ўйинга киритиб берди, тактик ҳужум давом этади.

• 30'
  

  Левандовски жарима майдончаси ичида жуда кўп вақт тўпни ўзи билан олиб юрди, сўнгги зарбани дарвозабон қайтарди!

• 29'

  Эрнандес бу сафар ҳимоячини тоза ўйин билан тўхтатди.

• 27'

  "Аугсбург" жарима майдончаси ичида хавфли вазият юзага келди, бироқ дарвозабон тўпни эгаллаб олди.

• 26'
  

  Нойер жамоасини яна бир бор сақлаб қолди! У тўп йўналишини топиб, уни қайтаришга муваффақ бўлди!

• 25'

  Калижури уни ижро этади.

• 24'
  

  Пенальти! Лукас Эрнандес рақибини қўполлик эвазига йиқитиб, тўхтатиб қолди ва ҳакам 11 метрлик нуқтани кўрсатди!

• 23'
  

  ГОООООООООООООООООООЛЛЛ!!! Кетма-кет зарбалардан сўнг Серж Гнабри тўпни боши билан бўш қолган дарвозага жойлаб қўйди. 2:0!

• 22'

  Нойер доимгидек сўнгги ҳимоячи ролида.

• 21'

  Алаба жарима майдончаси ичида яхши очилди, бироқ зарбага аниқлик етишмади.

• 20'

  Паварга нисбатан ўйин қоидаси бузилди.

• 19'
  

  Нойер бурчакдан узатилган тўпни муштлари билан узоқлаштирди.

• 19'
  

  Нойер жамоасини муқаррар голдан сақлаб қолди. Бурчак тўпи.

• 19'

  "Немис машинаси" майдон марказидан туриб ҳужумларини бошламоқда.

• 18'

  Киммих амалга оширган бурчак тўпидан сўнг вазият позицион ҳужумга айланиб кетди.

• 17'
  

  Гнабри дарвозабон билан деярли яккама-якка вазиятга чиқиб кетди ва зарба берди, дарвозабон тўпни қайтарди. Бурчак тўпи.

• 17'

  Киммих тўпни боши билан узоқлаштирди.

• 16'
  

  Тўп Алабага тегиб майдон ташқарисига чиқиб кетди. Бурчак тўпи "Аугсбург"да.

• 15'

  Тўп назорати статистикаси: 72:28!. Зарбалар сони: 0-1!

• 15'

  Мюллернинг узатмасини дарвозабон ушлаб олди.

• 14'

  Ўнг қанотдан тўп жарима майдончаси ичига етказилди, тўпни Боатенг боши билан узоқлаштирди.

• 12'

  "Аугсбург" ўнг қанотдан ёриб киришга ҳаракат қилмоқда.

• 11'

  Жаримадан тўп ичкарига ошириб берилди, сўнгги зарба анча баландлаб кетди.

• 10'

  "Аугсбург" жарима зарбасига эга чиқди.

• 9'
  

  Гол автогол сифатида қайд этилди. Жеффри Гауэлеу автогол муаллифи.

• 9'
  

  ГОООООООООООООООООЛЛЛ!!! Кингсли Коман қанотдан Гнабрининг узатган тўпини дарвозага 2 метрлардан осонгина жойлаб қўйди. 1:0!

• 8'

  Левандовскининг бош билан йўллаган зарбасини дарвозабон ушлаб олди.

• 7'

  Мюллернинг жарима майдончаси ичига узатмаси ҳимоячилар томонидан блокланди.

• 6'

  Майдонга қуёш тўғридан-тўғри тушиб турибди. Ҳарорат иссиқ.

• 5'

  Команнинг жарима майдончаси ичига узатган тўпини Мюллер дарвозага йўллади, бироқ анча ноаниқ.

• 4'
  

  Бурчак тўпи, Киммих уни ижро этади.

• 3'

  Меҳмонлар Нойернинг олдинга чиқиб кетганидан фойдаланиб узоқдан зарба йўллади, вазият хавфли кўринди, бироқ зарбага бирозгина аниқлик етишмади.

• 2'

  Илк дақиқалардан уюштирилган ҳужум ижродаги ноаниқлик сабаб якунланди. "Аугсбург" тўп билан.

• 1'
  

  Ҳакам хуштаги чалинди ва учрашувга старт берилди.

• 0'

  Ханси Флик, Давид Алаба, Хави Мартинес ҳамда Жером Боатенг билан чиройли тарзда хайрлашди.

• 0'

  "Бавария" мавсум сўнггида жамоани тарк этувчи аъзолар билан хайрлашув маросимини ўтказди.