"Бавария" асосий ҳужумчиси билан шартномани узайтиришга яқин

Эрик-Максим Шупо-Мотинг "Бавария" билан шартномасини узайтиришга яқин турибди. Журналист Флориан Плеттенбергнинг хабар беришича, Мюнхен клуби 33 ёшли ҳужумчиси билан шартномани 2024 йилнинг ёзига қадар узайтиради.

Янги шартномага кўра, камерунлик футболчининг маоши бонуслар билан бирга йилига 10 миллион еврони ташкил қилади. Шупо-Мотингнинг "Бавария" билан амалдаги шартномаси 2023 йилнинг ёзига қадар тузилган.

Маълумот ўрнида, африкалик ҳужумчи 2022/23 йилги мавсумда Бундеслиганинг 12 учрашувида 7 та гол ва 2 та голли узатмани амалга оширди.