"Бавария" дарвозабони жамоадан кетади

“Бавария” клуби дарвозабони Свен Ульрайх тез орада жамоасини ўзгартирмоқчи.

Гап шундаки, мюнхенликлар “Шальке” дарвозабони Александр Нюбелни сотиб олиш бўйича келишувга эришишди ва шундан сўнг 31 ёшли посбон ўзига янги жамоа қидириши кераклигини тушуниб етиб, шундай қарорга келган. Бу ҳақда Sport1 хабар бермоқда.

Маълумот учун, Ульрайх “Бавария” сафига 2015 йилда “Штуттгарт”дан кўчиб ўтган эди. У жорий мавсум Бундеслигада бирорта ҳам ўйинда майдонга тушгани йўқ.