"Бавария" футболчисига "Барселона" ва "Тоттенхэм" қизиқмоқда

"Бавария" клуби ҳимоячиси Жером Боатенг фаолиятини бошқа чемпионатда давом эттириши мумкин. Bild нашри журналисти Кристиан Фальк бу ҳақда хабар берди.

Манбанинг маълум қилишича, германиялик футболчи «Барселона» ва «Тоттенхэм» клубларининг қизиқишлари доирасига тушган. Боатенг шу йили ёзда эркин агентга айланади. Мюнхенликлар спорт директор Хасан Салихамижич «Бавария» 32 ёшли футболчи билан шартномани узайтирилмаслигини айтиб ўтди.

Боатенг «Бавария»да 10 йил фаолият юритди. У шу вақт оралиғида Бундеслигада 8, Германия Кубоги ва Суперкубогида 5, Европа Чемпионлар лигасида 2, Европа Суперкубоги ва клублар ўртасидаги жаҳон чемпионатида ғолиб бўлди.