"Bavariya" Germaniya kubogida rekord o‘rnatdi

Xabaringiz bor kecha “Bavariya” Germaniya kubogi yarim finalida “Verder”ni 3:2 hisobida engib, final yo‘llanmasini qo‘lga kiritdi.

Shu tariqa myunxenliklar o‘z tarixlarida 23-marta mamlakat kubogi finaliga chiqishdi. Bu esa musobaqaning yangi rekordi hisoblanadi. Shu paytgacha hech bir jamoa bu qadar ko‘p marta Germaniya kubogi finalida ishtirok etmagan.

Eslatib o‘tamiz, “Bavariya” 25 may kuni bo‘lib o‘tadigan finalda “RB Leyptsig”ga qarshi bahs olib boradi.