"Бавария" Ковач ўрнига муносиб номзод топди, аммо...

Хабарингиз бор кеча “Бавария” Нико Ковачни бош мураббий лавозимидан истеъфога чиқарди.

Sky Sports нашри тарқатган хабарга кўра мюнхенликлар раҳбарияти бу борада “Аякс” устози Эрик тен Хаг номзодини кўз остилари олиб қўйишган. Бироқ, голландиялик мутахассис Амстердам клубини мавсум ўртасида ташлаб кетмоқчи эмас.

Таъкидлаш керакки,тен Хаг учун “Бавария” бегона эмас. Боиси, у 2014-2015 йилларда “Бавария-2” жамоасини бошқарган.

Маълумот учун, тен Хаг бошчилигидаги жамоа ўтган мавсум Голландия чемпионлигини қўлга киритди ва Чемпионлар лигасида ярим финалга қадар етиб борди.