“Bavariya“ Levandovski o‘rniga munosib hujumchi topdi

“Bavariya“ jamoasi yozgi transferlar oynasida “Ayaks“ futbolchisi Sebastyan Allerni sotib olmoqchi. Klub uni Robert Levandovskiga o‘rinbosar, deb hisoblamoqda.

Nemis klubi Levandovskining boshqa jamoaga o‘tib ketishidan xavotirda. Shuning uchun ular polyak o‘rniga munosib nomzod izlamoqda.

Allerning “Ayaks“ bilan shartnomasi 2025 yilda yakuniga etadi. “Transfermarkt“ portali hujumchini 30 million evroga baholagan.

Ma’lumot o‘rnida, Sebastyan Aller joriy mavsum Niderlandiya chempionatining 19 o‘yinida 16 gol va 6 assist qayd etgan.