"Бавария" ПСЖни қийинчилик билан енгиб, чемпионга айланди

УЕФА Чемпионлар Лигаси финал учрашуви ўз якунига етди. "Эштадиу да Луш" стадионида кечган баҳсда мюнхенликлар 1:0 ҳисобидаги кичик ғалабага эришди. 

Шу тариқа, "Бавария" ўз тарихида 6-марта ушбу кубокни қўлга киритди. Шу билан бирга ўз тарихида иккинчи треблни қайд этди.

• 90'
  

  Бўлди! "Бавария" - чемпион! Учрашув якунланди! Матнли трансляцияни Абдулвосид Валихонов олиб борди.

• 90+'
  

  Мюллер огоҳлантирилди.

• 90+'

  Мбаппе ва Неймарларнинг супер узатмалари орқали шаклланган вазиятда Чупо-Мотинг тўпга зарба бера олмади.

• 90+'
  

  Учрашув асосий вақтига 5 дақиқа қўшиб берилди.

• 90'
  

  Нойердан яна бир супер сейв. Ҳужумчида офсайд ҳам бўлган экан. Аммо Нойерга гап йўқ.

• 88'

  Мбаппенинг узатмаси анча юқоридан ўтиб кетди

• 86'
  

  Тьяго ўрнига Толиссо майдонга тушди.

• 85'
  

  Курзава қўполлиги учун огоҳлантирилди.

• 84'

  Коутиньонинг жаримадан йўллаган зарбаси ноаниқ кетди.

• 83'
  

  Силва Левандовскини йиқитгани учун огоҳлантирилди. Яхши стандарт.

• 82'

  Левандовски яна бир ноқулай вазиятдан зарба берди. Ноаниқ, офсайд ҳам бўлган экан.

• 81'
  

  Неймар ҳам сариқ карточка ишлаб олди.

• 80'
  

  Чупо-Мотинг Ди Мария ўрнига майдонга тушди.

• 77'

  Девис ПСЖнинг мураккаб узатмасини осонгина ҳал қилди. У тўпни боши билан Нойерга ташлаб берди.

• 74'

  Неймар узоқдан тепиб кўрди. Аммо зарба ноаниқ кетди.

• 73'

  ПСЖдан супер штурм.

• 72'
  

  Эррера ўрнига Дракслер ўйнайди.

• 71'

  Маркиньос ҳужумда қоидани бузди.

• 70'
  

  НОООЙЕЕЕРРРР!!! Нималар қиляпти бу супер дарвозабон?! Ди Мариянинг ажойиб узатмасини Маркиньос дарвозага йўллади. Мануэль эса ўз ўрнида даҳшатли ҳаракат қилди.

• 68'
  

  Коман ва Гнабри ўрнига Перишич ва Коутиньо майдонга тушланди.

• 67'

  Мбаппе ўзига узатилган тўпга атайин тегмаганди. Аммо Нойер бунга алданмади. У тўпни ушлаб қолди.

• 65'

  Команнинг жарима майдони марказига узатган тўпини Эррера қайтариб қолди.

• 64'
  

  Вератти Паредеснинг ўрнига майдонга тушади.

• 62'

  Команнинг навбатдаги ҳалокатли зарбасини Тьягу Силва қийинчилик билан қайтарди.

• 61'

  Кимпембе муқаррар гол томон кетаётган тўпни узоқлаштирди.

• 59'
  

  ГОООООООООООООЛЛЛЛЛЛЛ!!! Коман ҳисобни очмоқда. Киммихнинг супер узатмасини ҳам эътироф этиш жоиз.

• 56'
  

  Зюле қўполлик учун огоҳлантирилди.

• 55'

  ПСЖ тўп назоратини муваффақиятли ушламоқда.

• 52'

  Гнабри ҳам Неймарга ишлатган очиқча қўполлиги учун огоҳлантирилди.

• 52'
  

  Паредес ўзи билан боғлиқ бўлмаган вазият учун Гнабри билан жанжаллашгани сабаб огоҳлантирилди.

• 49'

  Команнинг ажойиб узатмасини Тьяго Силва улкан тажрибасига асосланиб қайтаришга эришди.

• 48'

  ПСЖ тўп назоратини яна ўз қўлига олди.

• 46'
  

  Иккинчи тайм бошланди.

• 45'
  

  Танаффус.

• 45+'

  Жарима майдончаси ичида Коман йиқилиб тушди. Орсато ВАРга мурожаат қилди. Йўқ, ҳаммаси жойида. Вазият пенальтига тортмайди.

• 45+'

  Неймар бирга-бир вазиятга чиқиб бориши мумкин эди. Аммо Нойер ўз услубида тўпга чиқиб келди.

• 45+'
  

  Гнабри тўпни ўз қанотида ажойиб тарзда тўхтатиб қолди. Унинг узатмасини эса Навас ушлаб қолди.

• 45+'
  

  Биринчи бўлимга 1 дақиқа қўшиб берилди.

• 45'
  

  Мбаппе жарима майдони марказида тўпга зарба беришга муваффақ бўлди. Нойер тўпни ушлаб олди.

• 44'

  Парижлик ҳимоячилар "Бавария" футболчиларига қанотдан ёриб киришга имкон бермаяпти.

• 42'

  Ди Мария хато пас оқибатида тўпни олдирди. Унинг бахтига "Бавария"нинг тезкор қарши ҳужуми ҳимоячилар томонидан қайтарилди.

• 41'

  Киммих Мбаппени тезлашишга қўймади. Қоидабузарлик ҳакам томонидан бу гал кечирилди. Кейинги сафар сариқ карточка.

• 40'
  

  Корнер Кимпембе томонидан қайтарилди.

• 38'

  Маркиньос ўз хатосини тўғрилаб, тўпни узоқлаштирди.

• 37'

  Маркиньос Левандовскига нисбатан жарима майдони яқинида қоидани бузди. Хавфли узатма амалга ошириш учун яхши позиция.

• 36'

  Команнинг узатмаси зарбага айланиб кетди. Навас ўз ўрнида.

• 34'

  Гнабри ўзига узатилган тўпга етиб бора олмади. Узун кросс анча кучли чиққанди.

• 32'
  

  Тьягу Силва тиббий ёрдам олди.  Ҳаммаси жойида.

• 31'
  

  НАААВААААААССССС!!! Левандовски ажойиб реакция орқали бош билан зарба беришга муваффақ бўлди. Кейлордан супер сейв.

• 31'

  "Бавария"нинг ҳужуми зарбагача етиб бормади.

• 29'

  Эррера жарима зарбасидан сўнг ҳимоячилар томонидан узатилган тўпни дарвоза томон йўллади. Тўп ҳимоячиларга тегди. Аммо ҳакам дарвозабон тўпни ўйинга киритиб бериши кераклигини кўрсатмоқда.

• 27'
  

  Ўнг қанотда ҳужумга ўтиб кетиши кутилган Керерни очиқчасига ушлаб қолгани учун Девис огоҳлантирди.

• 26'

  ПСЖ прессингга қарши яхши ҳаракат қилмоқда. 

• 25'
  

  Боатенгнинг жароҳати жиддий бўлиб чиқди. Унинг ўрнига Зюле майдонга тушди.

• 24'
  

  Боатенг тиббий ёрдам олмоқда.

• 23'

  Эрреранинг супер пасини Ди Мария дарвозага тепди. Аммо тўп дарвоза юқорисидан ўтиб кетди.

• 22'

  Левандовски тўпни ортга қараб турган ҳолда қабул қилиб, айланиб олиб зарба берди. Тўп дарвоза устунига бориб тегди.

• 20'

  Гнабрининг пасига Киммих ета олмас эди.

• 18'
  

  НОООООЙЕЕЕЕРРРР!!! Дабл-сейв. Бирга-бир вазиятдаги Неймарнинг супер зарбасини германиялик посбон қайтариб қолди.

• 16'

  Девис ўзига узатилган тўпга етиб бора олмади.

• 15'

  Мбаппе супер узатмадан сўнг яхши бўшлиққа эга бўлди. Аммо зарбаси йўлига ҳимоячилар ғов бўлди.

• 14'

  Мбаппенинг жарима майдони ичидан тепган тўпи ҳимоячиларга тегди.

• 13'

  "Бавария"да сўнгги паслар ўхшамаяпти.

• 12'

  Парижликлар яхши босим уюштирмоқда. "Бавария" бироз тўп назоратини ушлаш орқали уларнинг ҳовурини босиши лозим.

• 10'
  

  Бурчак тўпи ҳам мюнхенликлар томонидан бартараф этилди.

• 9'

  Ди Мариянинг жаримадан узатган тўпини ҳимоячилар қайтариб юборди.

• 7'

  Ди Мария офсайдда қолиб кетди. Парижликлар ҳужуми тўхтайдиган бўлди.

• 6'

  Гнабрига узатилган тўпга немис футболчиси ета олмади.

• 5'

  ПСЖ тўп назорати орқали "Бавария"ни чарчатмоқчига ўхшайди. Аммо кўп паслар амалга ошириш қанчалик тўғри бўлар экан?!

• 3'

  Мюллер узоқ масофадан жарима зарбаси амалга оширди. Аммо ҳимоячилар тўпни қайтариб юборишди.

• 2'

  "Бавария" дастлабки дақиқаларданоқ прессинг орқали тўпни олиб қўйди. Аммо пас тушунарсиз бўлди.

• 1'
  

  Финал старт олди.

• 0'

  Жамоалар майдонга тушиб келмоқда. УЕФА Чемпионлар Лигаси мадҳияси янграмоқда.

• 0'

  Ассалому алайкум, қадрли футбол ихлосмандлари. Бугун финал. Бугун йилнинг энг муҳим баҳси бўлиб ўтмоқда.