“Бавария” трансферга қўйган футболчини МЮ ва “Арсенал” талашмоқда

“Бавария” раҳбарияти франциялик ярим ҳимоячи Корентен Толиссо австриялик ҳимоячи Давид Алаба сингари клубдан текинга кетиб қолмаслиги учун уни трансферга қўйишга қарор қилди.

Толиссонинг клуб билан шартномаси 2022 йилнинг ёзигача давом этади. Шу боис мюнхенликлар уни ҳозирдан сотиб юбормоқчи.

Маълумотларга қараганда, истеъдодли ярим ҳимоячига “Манчестер Юнайтед” ва “Арсенал” жиддий қизиқиш билдирмоқда. Қизиғи, ёзда ҳар икки жамоа ҳам Толиссога харидор бўлганди. Лекин “Манчестер Юнайтед” Донни ван де Бекни, “канонирлар” эса Томас Партини трансфер қилган эди.

Бироқ, Корентен Толиссонинг трансфер суммаси 25 миллион евро атрофида бўлишини инобатга олган АПЛ грандлари уни сотиб олишни истамоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)