"Бавария" Вернер учун 25 млн евро таклиф қилди, аммо...

Мюнхеннинг "Бавария" клуби ҳамон "РБ Лейпциг" ҳужумчиси Тимо Вернерни сотиб олиш фикридан қайтмаяпти. Бу ҳақда Bild нашри хабар тарқатмоқда.

Юқоридаги манбаага кўра немис гранди 23 ёшли футболчи учун лейпцигликларга 25 млн евро таклиф қилган. Бироқ, бу таклиф уларни қаноатлантирмаган. Улар Вернерни 40 млн евродан камига қўйиб юборишмоқчи эмас.

Маълумот учун, Вернер “РБ Лейпциг” сафида 2016 йилдан буён тўп суриб келмоқда. Ўтган давр мобайнида у жами 115та ўйинда майдонга тушди ва 61та гол ҳамда 28та голли узатмага муаллифлик қилди. Унинг клуб билан амалдаги шартномаси келгуси йил ўз ниҳоясига етади. Трансфер нархи эса 65 млн еврога баҳоланмоқда.