"Бавария" ярим ҳимоячиси А Серия гранди сафига бориб қўшилиши мумкин

Германия терма жамоаси ва Мюнхеннинг "Бавария" клуби ярим ҳимоячиси Леон Горетцка Бундеслигадан А Серияга ўтиши мумкин. Бу ҳақда Calciomercato хабар бермоқда.

Манбага кўра, 27 ёшли футболчининг трансферига Туриннинг "Ювентус" клуби қизиқиш билдирган. Эҳтимолий трансфер нархи 65 миллион еврога баҳоланмоқда.

Горетцканинг "Бавария" билан шартномаси 2026 йилнинг ўрталарига қадар мўлжалланган.

Жорий мавсум ярим ҳимоячи Германия чемпионатининг 11 учрашувида қатнашиб, 3 та гол урди ва битта голли узатмага муаллифлик қилган.