"Bavariya" yosh futbolchini tekinga olib keladi

"Bavariya" yosh va iqtidorli yarim himoyachi transferini e’lon qildi.

Yozda Myunxen jamoasi tarkibiga yarim himoyachi Tom Bishof kelib qo‘shiladi. 19 yoshli futbolchi "Xoffenxaym"dan "Bavariya"ga erkin agent sifatida o‘tadi. Bishofning Bundesliga grandi bilan shartnomasi 2029 yil iyun oyi oxirigacha mo‘ljallangan.

Tom Bishof "Xoffenxaym" futbol maktabi tarbiyalanuvchisi hisoblanadi. U ushbu klubning asosiy jamoasi uchun 53 ta o‘yin o‘tkazib, ikkita gol urgan va beshta golli uzatma bergan.

Ma’lumot uchun, klub 22 yanvar kuni "Bavariya" Chempionlar ligasida "Feyenoord"ga qarshi safardagi uchrashuvini o‘tkazadi.