"Бавария"да Ким қанча маош олади?

Кореялик марказий ҳимоячи Ким Мин Чженинг "Бавария"даги маоши борасида янги маълумотлар пайдо бўлди.

Журналист Фабрис Хокинснинг фикрича, “Наполи” футболчиси немис грандида йилига 17 миллион евро маош олади. Қайд этилишича, Кимнинг агентига тўланадиган комиссия эса тахминан 15 миллион еврони ташкил қилади. Томонлар ўртасидаги келишув эса 5 йилга имзоланади.

Эслатиб ўтамиз, Ким Мин Чже ўтган мавсум якунларига кўра "Наполи" таркибида Италия чемпионлигини қўлга киритганди. Трансфермаркт портали 26 ёшли футболчининг нархини 60 миллион еврога баҳоламоқда.