"Байер" футболчиси "Реал" ёки "Барса"га ўтишни истамоқда

"Байер" футболчиси Жереми Фримпонг Испаниянинг "Реал Мадрид" ёки "Барселона"га клубига кўчиб ўтмоқчи. 
 
"Sky Sports" нашрининг маълумотига кўра, нидерландиялик ҳимоячи ёзги трансферлар ойнасида жамоани тарк этса, фақатгина "қироллик клуби" ёки "кўк-анорранглилар" сафига бориб қўшилишни хоҳламоқда. Мадридликлар ёзда Трент Александр-Арнольдни олиб келиши мумкин бўлса, каталонияликларда яхши формадаги Жюль Кунде бор. 
 
Гарчи Фримпонг Испаниянинг икки гранд клубига кўчишни истаётган бўлса ҳам, фулбекка Англиянинг "Ливерпуль" клуби ҳам жуда катта қизиқиш билдирмоқда. 
 
Эслатиб ўтамиз, Жереми жорий мавсум 39 та учрашувда майдонга тушиб, 3 та гол ва 10 та голли узатмага муаллифлик қилган. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 50 миллион евро деб баҳоланмоқда.