Бекхэмнинг жамоасига янги бош мураббий тайинланди!

«Эвертон» ва «Манчестер Юнайтед» клублари собиқ футболчиси Фил Невилл АҚШнинг «Интер Майами» клубига бош мураббий бўлди.

43 ёшли англиялик мутахассис бунга қадар Англия аёллар терма жамоасини бошқариб келаётган эди, аммо МЛС клубидан тушган таклифдан сўнг у терма жамоа билан шартномасини бекор қилди.

Эслатиб ўтамиз, «Интер Майами» англиялик машҳур футболчи Дэвид Бекхэмга тегишли ҳисобланади.

“Мен Филни “Юнайтед”даги академияда таҳсил олган пайтларимдан танийман. Бизда умумий футбол ДНКси бор, бизни энг яхши мураббийлар тарбия қилган ва мана шу қадриятларни клубимизда кўришни истардим.

Фил билан ишлаган ёки ўйнаган ҳар бир киши унинг туғма этакчи эканлигини билади ва мен ҳозир уни таклиф қилиш учун тўғри вақт деб ўйлайман”, - деди Бекхэм.

Фикрлар

Фикр қолдириш учун авторизациядан ўтинг!