Беларусь чемпионати. "Энергетик-БГУ" қаторасига учинчи мағлубиятни қабул қилиб олди

Ҳозиргина Беларусь Олий лигаси 19-туридан ўрин олган "Энергетик-БГУ" ҳамда "Торпедо БелАЗ" жамоалари ўртасидаги ўйин ўз ниҳоясига етди. Қизиқарли ва томошабоп тарзда кечган учрашувда меҳмонлар 4:1 ҳисобидаги йирик ғалабани қўлга киритишди.

Мезбонлар сафида ҳамюртимиз Шаҳбоз Умаров учрашувни асосий таркибда бошлади  ва 90 дақиқа майдонда фаол ҳаракат қилди. Айнан унинг голли узатмасидан сўнг Гирс "талабалар"нинг ягона голини киритишга эришди.

Шу тариқа, қаторасига учинчи мағлубиятни қабул қилиб олган "Энергетик-БГУ" 29 очкоси билан 7-ўринга тушиб кетди.

Беларусь Олий лигаси. 19-тур

18:00 "Энергетик-БГУ" - "Торпедо БелАЗ" 1:4 

Голлар: Гирс (31) -  Премудров  (42, 47 автогол), Афанасьев (65), Николаевич (81)

Четлатиш: Юдчиц (47 қизил карточка)