![](https://static.sports.uz/crop/b64da3a20aea388ebdbef0191c7e02cb.jpg)
Белбоғли кураш бўйича Ўзбекистон чемпионати ўтказилди
Аввал хабар берганимиздек, жорий йилнинг 19-21 июль кунлари Бухоро вилоятининг Ғиждувон туманидаги спорт мактабида белбоғли кураш бўйича 2007-2008 йилларда туғилган ўғил болалар ва қизлар ўртасида Ўзбекистон чемпионати бўлиб ўтди.
Мазкур мамлакат чемпионатида Қорақалпоғистон Республикаси, Тошкент шаҳри ва барча вилоятлардан 270 нафардан ортиқ спортчилар иштирок этишди.
Мусобақада ўғил болалар эркин ва классик йўналишларда ўн учта вазн тоифаларида, қизлар эса эркин йўналишда саккизта вазн тоифасига ғолиблик учун куч синашишди.
Регламентга кўра, ғолиблар Нукус шаҳрида ўтиши режалаштирилган ўсмирлар ўртасидаги жаҳон чемпионатига йўлланмани қўлга киритиши белгиланган ушбу мусобақа муросасиз ва шиддатли курашларга бой тарзда ўтди. Икки кунлик беллашувларда ўз вазн тоифаларида Абдулатиф Нуридлинов (Навоий), Диёрбек Нарзиев (Бухоро), Муродуллахон Ҳабибуллаев (Наманган), Шерзод Элбоев (Тошкент в.), Настарин Ўктамова (Қашқадарё), Гулсанам Раҳматиллаева (Наманган) сингари курашчилар барча рақиблари устидан ғалаба қозониб, жаҳон чемпионатига йўлланмани нақд қилишди.
Фикрлар