"Bellator"да ўзбекистонлик жангчи пайдо бўлиши мумкин

"Alash pride"нинг "Dragon" лақабли чемпиони Азамат Нуфтиллаев "Bellator"га ўтиши кутилмоқда.

Айни дамда 27 ёшли жангчи мазкур промоушен билан музокаралар олиб боряпти. Яқин вақтлар ичида битим имзоланиши кутилмоқда. У фақат виза масаласини ҳал қилиши лозим. Бу ҳақда унинг ўзи "Sports.uz" нашрига маълум қилди. 

Азамат Нуфтиллаев фаолияти давомида 11 та жангда иштирок этиб, уларнинг барчасида ғалаба қозонган

Қайд этиш жоиз, "Bellator" мавқе жиҳатидан UFCдан кейинги ўринда туради.