Беллингем, Эндрик, Мбаппе. Бу юлдузларни “Реал”га ўтишга кўндирган футболчи номи ошкор бўлди

“Реал” кейинги пайтда машҳур футболчиларни ўз сафига қўшиб олишни уддалаяпти. Мадридликлар сўнгги бир йил ичида Жуд Беллингем, Эндрик ва Килиан Мбаппени трансфер қилди ва яна бир неча нишонлар бўйича иш олиб бормоқда.

Испаниянинг AS нашри бу ўйинчиларни “Реал”ни танлашга кўндираётган ўйинчи Винисиус Жуниор эканини ошкор қилди.

Хусусан, юқорида номи келтирилган учала футболчи билан ҳам Винисиус шахсан гаплашиб, уларни “Қироллик клуби”ни танлашга кўндирган.

Айни пайтда Винисиус Жуниор мадридликларнинг навбатдаги нишони – “бавария” ҳимоячиси Альфонсо Дэвис билан алоқани ушлаб турибди ва уни ҳам “Қироллик клуби”га кўчиб ўтишга чорлаяпти.