Беллингем Роналдуни хафа қилди

“Реал”нинг кўп рекордлари бу жамоада порлаган Криштиану Роналдуга тегишли. Бироқ португалиялик юлдуздан ҳам зўр натижа қайд этаётган футболчи бор.

Жуд Беллингем Испания чемпионатининг тўққизинчи турида “Осасуна” дарвозасига иккита тўп киритиб, жамоасининг ғалабасига катта ҳисса қўшди.

Шу билан бирга 20 ёшли футболчи “Реал” таркибида дастлабки ўнта ўйинда кўп гол уриш бўйича янги рекорд ўрнатди. Беллингем жамоага келганидан бери дастлабки ўнта учрашувда ўнта гол ва учта ассист муаллифи бўлди.

Криштиану Роналду мадридликлар сафидаги илк ўнта ўйинда тўққизта гол ва битта ассист муаллифи сифатида рекорд ўрнатгани қайд этилган эди.