Беллингем Роналдунинг изидан кетмоқда

Испания чемпионатининг иккинчи турида “Реал” Жуд Беллингемнинг дубли ва битта ассисти эвазига “Альмерия”ни 3:1 ҳисобида мағлубиятга учратди.

Англиялик ҳужумкор футболчи дастлабки турда “Атлетик” дарвозасини ишғол қилиб, мадридликларнинг 2:0 ҳисобидаги ғалабасига ҳисса қўшган эди.

Шу тариқа, Жуд Беллингем Криштиану Роналдудан кейин “Реал” сафида Испания чемпионатининг дастлабки иккита учрашувида рақиб дарвозасини ишғол қилган футболчига айланди.

Португалиялик юлдуз 2009 йили Ла Лигадан илк икки учрашувида ўз ҳисобига гол ёздириб қўйган эди.

20 ёшли Беллингем учун мадридликлар “Боруссия Дортмунд” клубига 103 миллион евро тўлади. Жуд клуб билан да 2029 йилнинг ёзигача давом этадиган шартномага имзо чеккан.