Benites "Nyukasl" bilan kelisha olmayapti

Angliyaning "Nyukasl" bosh murabbiyi Rafael Benites klub rahbariyati bilan kelisha olmayapti.

"Hakkalar" rahbariyati ispaniyalik mutaxassisga yangi shartnoma taklif qilgan. Benites esa ushbu taklifga rozilik bildirgani yo‘q. Mutaxassis mavsum yakuniga etganidan so‘ng bir qarorga kelishini ma’lum qilmoqda.

Daily Mail nashri xabar berishicha, Benites "Nyukasl"ni kelgusi mavsumda kuchaytirishni va Evrokuboklarga tayyor jamoa bo‘lishini istamoqda. Bunga esa "Nyukasl" rahbariyati yozgi transferlar uchun 50 million evro pul mablag‘ini ajratishini ma’lum qilishgan edi.