Бензема "Севилья"га қарши ўйинни ўтказиб юборади. Унинг жароҳати қанчалик жиддий?

"Реал" Мадрид ҳужумчиси ҳамда "Олтин тўп" соҳиби Карим Бензема "Севилья"га қарши Ла Лига 11-тур учрашувини ўтказиб юборадиган бўлди. 

34 ёшли форвард мушаклардаги чарчоқ туфайли ушбу ўйинда жамоасига ёрдам бера олмайди. Унинг қачон сафга қайтиши ҳозирча аниқ эмас. 

Жорий мавсумда Карим Ла Лига доирасида жами 7 та учрашувда майдонга тушиб, 5 маротаба рақиблар дарвозасига йўл топган. 

Маълумот ўрнида, "Реал"нинг "Севилья"га қарши учрашуви тунда соат 00:00да старт олади.