Бензема Винисиус "Олтин тўп" олиши учун нима қилиши кераклигини айтди

Мадриднинг "Реал" клуби собиқ футболчиси Карим Бензема Винисиус Жуниорнинг келажаги ҳақидаги фикрлари билан ўртоқлашди.  

Бразилиялик футболчи 2024 йилда "Олтин тўп"ни қўлга кирита олмади ва овоз бериш натижаларига кўра Родридан ортда қолди. Аммо Бенземанинг сўзларига кўра, у ҳали бу мукофотни келажакда қўлга киритиши мумкин.  

"Винисиус "Реал" билан совринларни ютиши керак — бу энг муҳими. Шунда у "Олтин тўп"ни ҳам қўлга киритади, ахир у энг зўри", — деб келтиради франциялик футболчининг сўзларини "Madrid Universal".  

Ўзи Карим Бензема 2022 йилда "Олтин тўп" соҳиби бўлган. 2023 йил ёзида у "Реал"ни тарк этиб, Саудия Арабистонининг "Ал-Иттиҳод" клубига ўтди ва ҳозиргача ўша ерда ўйнаб келмоқда.