Бенземани Роналду қилган иш қизиқтирмайди

"Реал" ҳужумчиси Карим Бензема Чемпионлар лигаси олдидан собиқ жамоадоши Криштиану Роналдунинг рекордини янгилаши ҳақидаги саволга жавоб берди. Эслатиб ўтамиз, португалиялик футболчи бир мавсумида 17 та гол уриб, мусобақа рекордини ўрнатган.

“Роналдунинг рекордларни янгилаш яхши, аммо бу муҳим эмас. Мен ҳар бир ўйинда бор кучим билан ўйнашга, имкон қадар жамоага ёрдам беришга ҳаракат қиламан. Футболчи учун голлар ҳамда узатмалар керак, лекин энг муҳими ғалаба”, - дея франциялик тўпурарнинг сўзларини келтирди УEФА матбуот хизмати.

Бензема Чемпионлар лигасининг жорий мавсумида 15 та гол урди.

28 май куни "Реал Мадрид"ни "Ливерпуль"га қарши ЕЧЛ финал ўйини кутиб турибди. Учрашув Париждаги “Стад де Франс” ўйингоҳида бўлиб ўтади.