Биласизми? Месси 2014 йилда "Барселона"дан кетиши мумкин эди, бироқ...
"Барселона" клуби собиқ мураббийи Жоржи Роуранинг сўзларига кўра аргентиналик ҳужумчи Лионель Месси 2014 йилда жамоадан кетиши мумкин эди. Бироқ, уни жамоанинг марҳум устози Тито Виланова “Камп Ноу”да қолишга кўндирган.
“Ўшанда Месси кетишни ўйлаганди. Кейин у Виланова билан учрашди ва улар ўзаро соатлаб гаплашишди. Уларнинг бу суҳбатида қатнашмаганман, аммо, Месси шундан сўнг “Барселона”да қолишга қарор қилган”, - дейди Роура.
Эслатиб ўтамиз, Виланова “Барселона”ни 2012/13 йилги мавсумда бошқарган. 2014 йилнинг 25 апрель санасида эса саратондан вафот этган эди.
Фикрлар