Биласизми? "Пахтакор" ўзбек жамоалари орасида биринчи бўлиб Осиё клублар мусобақаларида 50-ғалабасини нишонлади

"Пахтакор" ўзбек клублари орасида биринчи бўлиб Осиё клублар турнирларида 50-муваффақиятга эришишди. Бу ҳақда клуб матбуот хизмати хабар тарқатмоқда.

"Персеполис" устидан қўлга киритилган ютуқ "шерлар"нинг Осиё клублар мусобақаларида эришган 50-ғалабасига айланди. Айтиш лозимки, уларнинг 6 таси Осиё кубок эгалари кубогида, қолган 44таси эса Осиё Чемпионлар лигасида қўлга киритилган.

Чемпионлар Лигаси тарихида "Пахтакор" ўтказган ўйинлари сони бўйича олтинчи (97 ўйин), ғалабалари миқдори бўйича тўққизинчи (44 ғалаба), очколар сони борасида ўн биринчи поғонадан ўрин олган. ОЧЛдаги умумий очколар сони 150тага етди. Чемпионлар Лигасида Ўзбекистон жамоаларидан умумий натижалар борасида "Бунёдкор" 21-ўринда, "Нефтчи" эса 37-поғонада жойлашган.