Бир бойвачча Месси ва Роналду учрашуви учун 2,6 миллион доллар тикяпти

Саудиялик бизнесмен Мушриф Ал-Ҳамдий ПСЖ ва “Ан-Наср” ўртасида ўтказилиши режалаштирилаётган ўрт оқлик учрашуви учун чиқариладиган махсус чиптани қўлга киритиш учун 2,6 миллион доллар тўлашга рози бўлди.

ПСЖ ва “Ан-Наср” ўртасидаги баҳсда жаҳон футболининг икки юлдузи – Месси ва Роналду бир неча йиллик танаффусдан кейин яна ўзаро тўқнаш келади.  

Бу чипта 17 январга қадар давом этадиган кимошди савдосида ўйналади. Унинг соҳиби 19 январга белгиланган учрашувда ғолиб жамоани тақдирлаш маросимида бевосита иштирок этади.

Бундан ташқари, унга кийим алмаштириш хоналарига кириб, Лионель Месси ва Криштиану Роналду билан шахсан учрашиш имконияти берилади.