Бир ҳафта ичида Неймарнинг трансфери эълон қилинади

Бразилиянинг “Сантос” клуби январь ойининг охиргача 32 ёшли ҳужумчи Неймарнинг трансферини эълон қиладиган бўлди.

Айни пайтда бразилиялик юлдуз Саудия Арабистонининг “Ал-Ҳилол” клуби аъзоси ҳимобланали.

Ge.Globo нашрининг маълум қилишича, “Сантос” раҳбарияти клубни экипировка билан таъминлайдиган ташкилотга Неймарнинг номи тушурилган футболкаларни кўпроқ ишлаб чиқаришга буюртма берган.

“Сантос” мутасаддилари Неймарнинг клубга келиши муносабати клубга янги ҳомийларни жалб қилишга уринмоқда.

Неймарни тарбиялаган клуб унга 2026 йилнинг ярмигача давом этадиган шартнома тайёрлаб қўйган. Ҳамкорлик рамийлаштириш учун Неймар ҳозирги жамоаси билан амалдаги битимни бекор қилиши талаб этилади.

Саудияликлар ҳам бир ярим йил давомида атиги еттита учрашувда қатнашган ўйинчи билан хайрлашишга рози. Бунинг учун Неймар ярим йил қолган шартномаси бўйича берилиши керак бўлган 65 миллион доллар миқдоридаги маошидан воз кечиши керак.

Неймар “Сантос”да ўйнаган даврларда жами 225 та учрашувда қатнашиб, 136 та гол ва 64 та ассист муаллифи бўлган эди.